የኦስትሪያ ቪየና ደብረ ሲና ቅድስት ኪዳነ ምሕረት ቤተ ክርስቲያን በኢትዮጵያ ኦርቶዶክስ ተዋሕዶ ቤተ ክርስቲያን በምዕራብ አዉሮፓ ሀገረ ስብከት ማዕከላዊ የአስተዳደር መዋቅር ስር የምትገኝ ቤተ ክርስቲያን ናት። ቤተ ክርስቲያናችን ከተቋቋመችበት ጀምሮ በልዩ ልዩ ምክንያት ከሀገራቸው ወጥተው በኦስትሪያና አካባቢዋ ለሚኖሩ የኢትዮጵያ ኦርቶዶክስ ተዋህዶ ሃይማኖት ተከታዮች ወንጌልን በማስተማርና ነገረ እግዚአብሔርን በማሳወቅ በመንፈሳዊና በማኅብራዊ ኑሯቸው እንዲበረቱ መንፈሳዊ ተልዕኮዋን በመወጣት ላይ ትገኛለች።

የኦስትሪያ ቪየና ደብረ ሲና ቅድስት ኪዳነ ምሕረት ቤተ ክርስቲያን የእናት ቤተ ክርስቲያንን አስተምህሮ፣ ቀኖና፣ ሥርዓትና ትውፊት ጠብቃ እዚህ ትልቅ ደረጃ መድረሷን በደስታ ስናበስር፤ ባለፍንባቸው የፈተና ዓመታት ሁሉ በምህረቱና በጥበቃው ላልተለየን ለአባቶቻችን አምላክ ከፍ ያለ ክብርና ምስጋና እናቀርባለን።

በኢትዮጵያ ኦርቶዶክስ ተዋሕዶ ቤተ ክርስቲያን የኦስትሪያ ቪየና ደብረ ሲና ቅድስት ኪዳነ ምሕረት ቤተ ክርስቲያን የኢትዮጵያ ኦርቶዶክስ ተዋህዶ ሃይማኖት ስርአትን በመከተል የምታቀርበውን መንፈሳዊ አገልግሎት ተካፋይ እንድትሆኑ መንፈሳዊ ጥሪ ታደርጋለች።